JEENE KO JEE KARTA HAI

Zamane ki kashmakash mein,
hum yun beh chale the...
kinare se dur hat kar,
samundar ke ho chale the...

Lehrein kuch samay tak to saath thi,
phir yun unchi hoti chali,
saath rehne ki khwahish mein,
hamein aur dur leti chali.

Kashti jo jeene ka sahara thi,
kamjori banti gayi,
zameen pane ki umeed,
ek sapna banti gayi.

Aaj lehrein tham hain,
utni hi sooni hai zindagi,
har zarra hai khamosh,
is dil se dur, hai bandagi.

Ik chhote se badlaav se yun darta hai dil,
jaise tukdon mein bandhi ho zindagi,
har lamha, har waqt khud se sawaal karta hai dil,
zinda hun main... par bagair zindagi.


"Samundar ke agosh mein, sahil ko paane ka mann karta hai
madhosh barish ki khilkhilati boondon mein chalne ko mann karta hai
agar uss bejaan khuda ko aitraaz na ho to....................

Qayamat se pehle ek baar phir se JEENE KO JEE KARTA HAI..."